நட்புக்கடல்

மேலோட்டமாக தேடினால் 

மீன்கள் கிடைக்கும்

மூழ்கித் தேடினால்

முத்துக்களும் கிடைக்கும்

பணம் - உறவு

இருக்கும்போது

உறவுகள் பற்றி நம்க்கு தெரியாது

இல்லாத போது

உறவுகளுக்கு நம்மைப்பற்றி தெரியாது

பணம்

பணத்தின் மூலப்பொருள்

காகிதம் தானே !

கற்பூரம் இல்லையோ

இப்படி கரைகிறதே !!

சேமிப்பு

சேமிப்பது நல்லது தான்

சிரிப்பை அல்ல.

செலவிடுவது நல்லது தான்

கண்ணீரை அல்ல.

திருமணம்

இருவரை ஒருவராக்குவது

அந்த ஒருவர் யாரென்பது தான்

வாழ்வின் போராட்டம்.

ரோஜா வியாபாரி

ரோஜா வியாபாரியே 

இவைகளை விற்றுவிட்டு

வேறென்ன வாங்கப் போகிறாய்

இதைவிட அழகாய்?